Mabalinmo Kadi a Padasen iti Makatawen?

Padasen ti ania? Agbalin a regular pioneer! Sigurado nga adunto ti maawatmo a bendision!—Pr 10:22.

NO PAYUNIRKA . . .

• agbalinka a nalaing nga ebanghelisador ken ad-adda a matagiragsakmo ti ministerio

• mapatibkermo ti relasionmo ken Jehova. No kanayon nga ibagbagam iti sabsabali ti maipapan kenkuana, kanayon met a maipalagip kenka dagiti nagsasayaat a kualidadna

• mariknam ti pannakapnek gapu iti panangyun-unam iti Pagarian ken mariknam ti rag-o a resulta ti panangtulongmo iti sabsabali.—Mt 6:33; Ara 20:35

• mabalinmo ti umatender iti panangmiting ti manangaywan iti sirkito kadagiti payunir bayat ti panagbisitana, iti espesial a miting iti lawas ti asamblea sirkito, ken iti Pioneer Service School

• ad-adu ti gundawaymo a makairugi ken makaikondukta iti panangyadal iti Biblia

• ad-adu ti tiempom a makikadua kadagiti kakabsat ket matagiragsakmo ti makipinnaregta.—Ro 1:11, 12