Apay a Masapul nga Ipategmo ti Nasin-aw a Panagdayaw?

Ti sirmata ni Ezequiel maipapan iti templo pinaregtana dagiti nakautibo a Judio ta naipanamnama kadakuada a maisubli ti nasin-aw a panagdayaw. Kadagitoy maudi nga al-aldaw, ti nasin-aw a panagdayaw ket ‘naipasdek a nangatngato ngem iti tapaw ti bambantay.’ Karamantayo kadagiti naggapu iti amin a nasion a nagayus a nagturong iti dayta. (Isa 2:2) Regular kadi nga ut-utobem ti pribilehio a maam-ammom ni Jehova ken makapagserbi kenkuana?

DAGITI BENDISION TI NASIN-AW A PANAGDAYAW:

• 

  Aglaplapusanan a naespirituan a taraon a pakakitaan kadagiti sungbat iti napapateg a saludsod, makatulong a prinsipio, ken namnama a sigurado a matungpal.—Isa 48:17, 18; 65:13; Ro 15:4

• Sangalubongan a panagkakabsat a napnuan iti ayat.—Sal 133:1; Jn 13:35

• Pribilehio nga agbalin a katrabahuan ti Dios iti makapnek a trabaho.—Ara 20:35; 1Co 3:9

• “Ti talna ti Dios” a mangpabileg kadatayo no adda pakarigatan.—Fil 4:6, 7

• Nadalus a konsiensia.—2Ti 1:3

• “Kinasinged ken Jehova.”—Sal 25:14

Kasano a maipakitak nga ipatpategko ti nasin-aw a panagdayaw?