No Kasano a Mapatibker Dagiti Agassawa ti Relasionda

Da Abraham ken Sara ket nasayaat nga ulidan ti agassawa nga agin-innayat ken agrinrinnespeto. (Ge 12:11-13; 1Pe 3:6) Ngem saan a perpekto ti relasionda ken masapul nga ibturanda idi dagiti suot iti biag. Ania ti masursuro dagiti agassawa no usigenda ti ulidan da Abraham ken Sara?

Agtungtongkayo a dua. No nasakit ti naibaga ti asawam gapu ta maupay wenno masuron, ipakitam a maawatam ken saan nga agsakit ti nakemmo. (Ge 16:5, 6) Iyeskediulyo ti panagkaduayo a dua. Ipakitam kadagiti sao ken aramid nga ay-ayatem ti asawam. Kangrunaanna, siguraduenyo a ti relasionyo ken Jehova ti kapatgan iti biagyo isu nga agkaduakayo nga agadal, agkararag, ken agdaydayaw. (Ec 4:12) Dagiti natibker a panagasawa ket pakaidayawan ni Jehova, ti Nangirugi iti daytoy sagrado nga urnos.

BUYAEN TI VIDEO A NO KASANO A PATIBKEREN TI PANAGASAWA SA SUNGBATAN DAGITOY:

• Iti video, ania ti dadduma a pagilasinan a saan unayen a nasinged ti relasion da Shaan ken Kiara?

• Apay a napateg iti agassawa ti panagbalinda a napudno iti pannakikomunikarda iti maysa ken maysa?

• Kasano a nakatulong kada Shaan ken Kiara ti ulidan da Abraham ken Sara?

• Ania dagiti inaramid da Shaan ken Kiara tapno tumibker ti panagasawada?

• Apay a masapul a saan nga ekspektaren ti agassawa nga agbalin a perpekto ti panagasawada?