“Ibellengyo ti Amin a Didiosenyo”

Uray no saan pay a nangted ni Jehova iti bilin a mangiparit iti idolatria, ammo ni Jacob nga Isuna laeng ti pangipaayan iti naipamaysa a debosion. (Ex 20:3-5) Isu a kalpasan nga imbaga ni Jehova nga agsubli ni Jacob idiay Bethel, binilin ni Jacob ti amin a kakaduana nga ibellengda dagiti idoloda. Imbelleng ni Jacob dagiti idolo, agraman dagiti aritos a mabalin nga insuotda kas anting-anting. (Ge 35:1-4) Sigurado a naragsakan ni Jehova kadagiti inaramid ni Jacob.

Kasanotayo met ita a maited ken Jehova ti naipamaysa a debosion? Masapul a liklikantayo ti aniaman a konektado iti idolatria wenno espiritismo. Karaman iti dayta ti panangibellengtayo kadagiti banag a konektado iti okulto ken naannad a panangsukimattayo kadagiti paglinglingayantayo. Kas pagarigan, isaludsodmo iti bagim: ‘Maay-ayatanak kadi kadagiti libro wenno pelikula a mangitampok kadagiti bampira, zombie, wenno misterioso a bambanag? Ti kadi paglinglingayak pagparparangenna a pagpalpaliwaan laeng ti magic, panagorasion, wenno panagilunod?’ Masapul nga adaywantayo ti aniaman a kagura ni Jehova.—Sal 97:10.

BUYAEN TI VIDEO A “BUSORENYO TI DIABLO” SA SUNGBATAN DAGITOY:

• 

  Ania a problema ti timmaud iti mayad-adalan iti Biblia a ni Palesa?

• 

  Apay a nainsiriban ti agpatulong kadagiti panglakayen kadagiti problema maipapan iti espiritismo?

• 

  No kayattayo a protektarannatayo ni Jehova, ania dagiti banag a masapul a pukawentayo?

• Ania ti dagus nga inaramid ni Palesa?

• Iti lugaryo, ania ti dadduma a pamay-an tapno maliklikam ti impluensia dagiti demonio?