PANAGBIAG KAS KRISTIANO
Tuladenyo ni Jose—Adaywanyo ti Immoralidad
Nangipakita ni Jose iti nasayaat nga ulidan a tuladentayo no masulisogtayo nga agaramid iti seksual nga immoralidad. Nagkedked tunggal sulisogen ti asawa ti amona. (Ge 39:7-10) Ti sungbatna nga: “Apay koma nga aramidek daytoy nakaro a kinadakes ket agbasolak iti Dios?” ipakitana a sipapanunot iti panangmatmat ni Jehova iti kinamatalek ti agassawa iti maysa ken maysa. Idi kimmaro ti situasion, dagus a timmaray imbes nga ikkanna ti babai iti gundaway a mangpakapuy iti determinasionna.—Ge 39:12; 1Co 6:18.
BUYAEN TI VIDEO NGA ADAYWANYO TI IMMORALIDAD SA SUNGBATAN DAGITOY A SALUDSOD:
Ania a situasion ti nakaipasanguan ni Jin?
Ania a saludsod ti pinanunot ni Jin idi nagpatulong ni Mee-Kyong iti asaynmentna iti math?
Ania ti epektona ken ni Jin ti panagpatulong ni Mee-Kyong?
Ania ti nakatulong ken Jin?
Ania ti inaramid ni Jin tapno maadaywanna ti immoralidad?
Ania dagiti naadalmo iti video?