Manamnamayo nga Ipakita ni Jehova ti Napudno nga Ayatna

Nakapatpategka ken Jehova. (Isa 43:4) Inyasidegnaka kenkuana ken iti organisasionna. Gapu ta nagdedikar ken nagpabautisarkan, kukuanakan ni Jehova. Aywanannaka kas espesial a kukuana, uray kadagiti narigat a tiempo. Ipakitana ti napudno nga ayatna kenka babaen ti organisasionna.—Sal 25:10.

Ad-adda a maapresiartayo ti napudno nga ayat ni Jehova no lagipentayo no kasano a nagtignay ti organisasionna kadagiti nabiit pay a natural a didigra.

BUYAEN TI VIDEO A REPORT TI COORDINATORS’ COMMITTEE ITI 2019 SA SUNGBATAN DAGITOY:

• 

  Kasano nga isagsagana ti Coordinators’ Committee dagiti sangay iti intero a lubong a tumulong no adda didigra?

• 

  Kasano a nangipaay ti organisasion ni Jehova kadagiti instruksion ken tulong kadagiti nadidigra idiay Indonesia ken Nigeria?

• 

  Ania ti naapresiaryo nga inaramid ti organisasion a mangsango iti COVID-19 pandemic?