Agtutubo—Ibagayo ti Linaon ti Pusoyo Kadagiti Nagannakyo

Apay a masapul nga ibagayo kadagiti nagannakyo dagiti pampanunotenyo? (Pr 23:26) Gapu ta inapointaran ida ni Jehova a mangaywan ken mangidalan kadakayo. (Sal 127:3, 4) Marigatanda a tumulong kadakayo no isekretoyo dagiti rikrikna ken pampanunotenyo. Ken saanyo met a maammuan dagiti nasursuroda kadagiti kapadasanda iti biag. Madi kadi no adda ti dadduma a saanyo nga ibaga kadakuada? Saan met—basta saanyo nga al-allilawen dagiti nagannakyo.—Pr 3:32.

Kasanokayo a makitungtong kadagiti nagannakyo? Agbirokkayo iti tiempo a nasayaat para kadakayo ken kadakuada. No marigatankayo, mabalinyo a suratan ti maysa kadagiti nagannakyo ket iyebkasyo dita dagiti marikriknayo. Kasanon no adda kayatda a pagtutungtonganyo ngem saanyo met a kayat? Tandaananyo a kayatdakayo a tulongan. Ibilangyo ida a kas ka-team, saan a kalaban. No ibagayo kadagiti nagannakyo dagiti marikrikna ken pampanunotenyo, pagsayaatanyo dayta iti intero a panagbiagyo—iti agnanayon!—Pr 4:10-12.

BUYAEN TI VIDEO A TI BIAGKO KAS TIN-EDYER—KASANOAK A MAKISARITA KADAGITI NAGANNAKKO? SA SUNGBATAN DAGITOY:

• 

  Ania ti na-realize da Esther ken Partik?

• 

  Ania ti masursurom iti impakita ni Jesus?

• 

  Kasano nga impakita dagiti nagannakmo nga ipatpategdaka?

• 

  Ania dagiti prinsipio ti Biblia a makatulong kenka a makitungtong kadagiti nagannakmo?