PANAGBIAG KAS KRISTIANO
Ikagkagumaam Kadi a Sapulen ti Sungbat Dagiti Kararagmo?
Nakaad-adu a kararag ti linaon ti Biblia a sinungbatan ni Jehova. Idi nakita ken napaneknekan dagiti adipen ni Jehova a dengdenggenna dagiti personal a problemada ken tinulonganna ida, awan duadua a bimmileg ti pammatida. Napateg ngarud nga agbalintayo nga espesipiko kadagiti personal a kararagtayo sa ikagumaantayo nga ammuen dagiti sungbat ni Jehova. Laglagipentayo a ti sungbatna ket mabalin a naiduma wenno nalablabes pay ngem iti kiniddawtayo. (2Co 12:7-9; Efe 3:20) Ania ti mabalin a sungbat ni Jehova kadagiti kiddawtayo?
Pisikal, emosional, wenno naespirituan a bileg a mangsango iti problema.—Fil 4:13
Sirib a mangaramid iti nasayaat a desision.—San 1:5
Tarigagay ken pannakabalin a mangaramid iti maysa a banag.—Fil 2:13
Kalmado a rikna no madandanagantayo.—Fil 4:6, 7
Pisikal wenno emosional a suporta ti dadduma. —1Jn 3:17, 18
BUYAEN TI VIDEO A NI JEHOVA TI “MANAGDENGNGEG ITI KARARAG,” SA SUNGBATAN DAGITOY:
Kasano a makaparegta kadatayo ti kapadasan ni Brother Shimizu no limitadon ti maaramidantayo gapu iti salun-attayo?
Kasanotayo a matulad ti ulidan ni Brother Shimizu?