Agadal ken Iranudmo ti Nasursurom

Naragsaktayo no agadaltayo ngem naragragsaktayo pay no iranudtayo dagiti makapabileg a nasursurotayo. Ibagbaga ti Proverbio 11:25: “Mabang-aranto ti asinoman a mangbang-ar iti sabsabali.”

No iranudtayo dagiti nasursurotayo, nalaklakatayo a malagip dagita ken umuneg ti pannakaawattayo. Ken gapu ta makitatayo a makatulong dagita iti sabsabali, naragsaktayo a mangiranud kadagiti nasursurotayo kadakuada.—Ara. 20:35.

Padasem daytoy: Iti sumaruno a lawas, iranudmo dagiti nasursurom. Mabalin nga iranudmo dayta iti kapamiliam, kakongregasionmo, katrabahuam, kaeskuelaam, kaarrubam, wenno iti makasabaam. Ikagumaam nga ibaga dagiti nasursurom iti bukodmo a sasao iti nalawag ken simple a pamay-an.

Laglagipem: Iranudmo dagiti nasursurom tapno mangpabileg iti sabsabali, saan a tapno mapabilibmo ida.—1 Cor. 8:1.