Ub-ubbing nga Agtaytayab a Solo

“Daytat’ nakalkaldaang a komentario maipapan kadagiti panawen,“ kuna ti maysa a pannakangiwat ti pangpasahero nga eroplano. Tuktukoyenna ti kadakkelan a bilang dagiti ub-ubbing nga agtaytayab a solo wenno aglugan a solo iti eroplano iti intero nga Estados Unidos a ti laeng kaduada nga agdaldaliasat isu ti mummuniekada, abalbalayda, wenno ti tarakenda a hamsters.

Kaaduan kadagiti agtutubo ti agdaldaliasat iti nagbabaetan dagiti dadakkelda a nagsina babaen iti diborsio wenno gapu iti trabaho. “Agtaytayabakon nga agmaymaysa nanipud agtawenak ti 5,“ kuna ti maysa a natimbeng a 12-años. Saan nga amin nga ubbing, nupay kasta, ket pagay-ayatda ti agtaytayab nga agmaymaysa. Dadduma nakitada a daytat’ nakabutbuteng a kapadasan.

Iti kaaduan a pasetna, dagiti agtartrabaho iti eroplano kunada a makaay-ayo dagiti ubbing. Nalakada laeng nga umanamong ken bassit unay ti awit-awitda. “Sumursurotda iti direksion,“ kuna ti maysa a superbisor iti serbisio dagiti pasaheros. “No dagiti natataengantayo ket makapagtignayda koma a kas kadakuada O.K. tayo koma.”