Pangatuen ti Panagsao ti Presion ti Dara

“TI BASTA panagsao​—a saan a nasken nga iti panagpungtot, wenno iti panagbuteng, no di basta ti pannakisarita laeng​—ti kasla mangtignay iti dagus a panagpangato ti presion ti dara,”​—kuna ti magasin nga “Aviation Safety.” Dayta itudona met a dagidiay nga agsagaba manipud iti nangato a presion ti dara wenno dagiti agpapaagas tapno matimbeng dayta ti nangnangruna a nalaka a maapektaran. Kinapudnona, para kadagiti amin a tattao “ti panagpangato ti presion ket manipud iti 10 agingga iti 50 porsiento.” Ket ti nakaskasdaaw unay a ta “dagitoy met laeng a relasion iti presion ti dara ket pudno met kadagiti tuleng a tattao a mangar-aramid ti panagsaoda babaen iti senias.”

Daytoy kaipapananna a, sigun iti report, uray pay ti saggabassit a panagsao bayat ti panangala ti doktor iti presion ti dara ket mangipaay iti nangatngato a presion. Pudno, ti kasta a panagsao “ket nainggayyeman ken makapainana,” ngem dayta ‘pudno a pangatuenna ti panagpusipos ti pressure dial.’ Iti kasumbangirna, “dagiti panagadal ipakitana a ti panagimdeng makatulong a mangpababa ti presion ti dara.” Nalawag, a ti balakad idiay Proverbio 21:23 ket mangiyeg saan laeng a ti naparang-ay a sosial a relasion no di ket dagiti pay met pisikal a gunggona.