Kooperasion​—kadagiti Tumatayab

Am-ammuenyo ti puraw-barukongna a bee-eater, maysa a tumatayab a mangtiliw kadagiti insekto, agraman dagiti uyokan, bayat a tumaytayabda. Daytoy nga adut’ marisna a bassit a parsua nalatak met kadagiti bukodna nga ug-ugali. Imbes nga agumok iti maysa a kayo, kurobenna ti nabunton a darat ket mangaramid iti umokna iti pungto ti atiddog nga usok, isu a pagitlogan ti upa. No napessaanen dagitoy, dadduma a mannangan iti uyokan makitinnulongda, a tulonganda dagiti nagannak a mangipaay iti taraon kadagiti piek. Dagitoy a situtulok a tumulong masansan a dagiti agtutubo manipud iti immuna nga anak, ngem iramanna met dagiti tumatayab a saanda a kabagian. No natakkon ti taraon, kas iti panawen ti tikag, napaliiw nga umadu dagiti tumulong a bee-eater.

“Uray pay kadagiti panawen a saan a panagpaadu,” kuna ni Sinclair ken Mendelsohn iti libro nga Everyone’s Guide to South African Birds, “daytoy a tumatayab gagangay a makilangen kadagiti babassit a grupo, ket iti rabii, adu ti agapon a sangsangkamaysa kadagiti kayo”​—isu a maysa pay a pammaneknek a dagiti ‘tumatayab nga agpapada ti dutdotda pudno nga agtitiponda.’

[Picture Credit Line iti panid 31]

World copyright photograph by Peter Johnson