“Ti Nalawa ken Nalaka a Pamay-an”

“No la koma no aramiden dagiti tattao ti kasapulan nga aramiden, no la koma no dida maringbawan babaen iti kinaalumamayda ken dida panangikankano, no la koma no pinarmekda ti kinaagumda, no la koma no nabilegda iti moral, no la koma saanda a naagum ken akikid ti panunotna, no la koma no saanda a babassit ken makaparurod ken namaag, no la koma no dadakkelda, no la koma no ammoda ti nakapusta, no la koma no saanda a managinsisingpet, no la koma no imbaddekda ti nalawa ken nalaka a pamay-an.”​—Charles Malik, dati a presidente iti UN General Assembly.

“No la koma no ammoda ti nakapusta,” kinuna ni Malik. Nasurok a 19 a siglon ti napalabas, sinarita ni Kristo Jesus ti ‘akaba ken nalawa a dalan’ ken ti ‘akikid ken nailet a dalan,’ ket imbagana no ania ti nakapusta: “Sumrekkayo iti ruangan a nailet; ta akaba ti ruangan, ken nalawa ti dalan a mangiturong iti pakadadaelan, ket adu dagiti sumrek kenkuana; ta nailet ti ruangan ken akikid ti dalan a mangiturong iti biag, ket natakkon dagiti makasarak kenkuana.”​—Mateo 7:13, 14.

Ti akaba ken nalawa a dalan ket agpatingga; ti akikid ken nailet a dalan agtultuloy ken awan patinggana.