Aniat’ Pagsasao nga Usaren ti Kaaduan?
No pampanunotenyo ti kalalatakan nga internasional a pagsasao, nalabit ti sungbatyo iti saludsod ket “Ingles.” Kaskasdi, sigun iti 1990 World Almanac and Book of Facts, ti Insik a Mandarin, nga us-usaren ti 844 milion a tattao, ti kaaduan nga us-usaren ti natauan a pamilia. Daytoy maidilig iti 437 milion, a naiwaras iti intero a lubong, nga agsasao iti Ingles. Ania a pagsasao ti pagarupenyo a maikatlo iti lubong? Ti Pranses wenno Español? Saan. Daytat’ Hindi, nga us-usaren ti 338 milion a tattao, nangnangruna idiay India. Ti Hindi ken Urdu, nga us-usaren ti 90 milion, nangnangruna idiay Pakistan, “ket isu met laeng iti pagsasao a Hindustani,” sigun iti isu met laeng a publikasion.