Linuktanda ti Puso ni Tatangko

“Italiano a Katoliko dagiti dadakkelko a pulos a di mangpidut ti magasin a Pagwanawanan wenno Agriingkayo! tapno basaenda,” nagsurat ti babai manipud Westerly, Rhode Island, E.U.A. idi napalabas a Nobiembre. Ngem itan, kunana, Ti Pagwanawanan linuktannan ti puso ni tatangko. Inlawlawagna no kasano a napasamak daytoy:

“Maysa nga aldaw binulodko ti trak ni tatangko, nga addaan ti pagikabilan ti tape a dina pulos us-usaren. Gapuna ginundawayak dayta. Nangikabilak iti cassette iti magasin a Pagwanawanan. Idi insublik ti trak, diak innala ti cassette. Kabayatanna, innalan ni tatangko ti trak ket rinugianna ti immimdeng iti cassette.

“Naangaw ni tatangko—pagarupna a dagiti Saksi addada iti radio, ket kankanayon a binalbaliwanna ti estasion ngem kankanayon a mangmangngegna dagiti Saksi. Kamaudiananna, kalpasan ti dua nga aldaw, nabigbigna a dayta ket cassette saan a radio. Ngem idin naawisen iti nangngegna.

“Madlaw nga adda nasursuro ni tatangko idi isu ken ni nanang nangrugidan a mangibagbaga kadagiti bambanag a dengdenggenda. Tunggal maikadua nga aldaw iti dalanko a mapan iti ministerio, patokarek ti cassette iti trakna. Ket tunggal agsapa no isut’ makitak iti almusar, saludsodannak ti: ‘Maysa aya a panglakayen ti asawam?’ wenno, ‘Di isursuro ti Biblia ti purgatorio wenno impierno nga apuy, saan kadi?’ Gapuna agin-inoten a maam-ammuanna ti Biblia.”