Umaykayo, Denggenyo ti Libre a Palawag Publiko:

“Surotenyo ti Silaw ti Lubong”

Masapul dagiti tao ti silaw a manglawag iti dalanda a kas ti sigurado a pannakasapul ti kotse iti headlights iti agsikkosikko a kalsada iti nasipnget a rabii. Ti naespirituan a lawag mabalin a maipadis iti nagsayaatan a silaw iti sango ti kotse, a manglawag iti kalsada tapno makita dagiti tao ti apag-isu a papananda. Ania ti gubuayan dayta a naespirituan a lawag? Ket sino ti mangiparparangarang iti dayta itatta?

Dagitoy a saludsod masungbatandanto iti palawag publiko a maipalawag iti ginasgasut a “Dagiti Managawit ti Lawag” a Kumbension Distrito dagiti Saksi ni Jehova a maaramid iti aglawlaw ti lubong itoy a kalgaw. Naimpusuan nga awisendakayo a tumabuno.

Ti programa ti kumbension mangiparangto met kadagiti makatulong a panangisalaysay kadagiti praktikal a bambanag iti biag agraman ti drama ti Biblia a nangusar ti kawes idi tiempo ti Biblia. Makiuman iti Kingdom Hall dagiti Saksi ni Jehova iti lugaryo tapno maammuanyo no sadino ken kaano a maaramid ti kumbension a kaasitgan iti pagtaenganyo, wenno agsurat kadagiti manangipablaak itoy a magasin.