Ammoyo Kadi?

Masarakan dagiti sungbat daytoy a pannubok kadagiti naipaay a sitas ti Biblia, ket nayimprenta iti panid 22 ti intero a listaan dagiti sungbat. Agpaay iti kanayonan nga impormasion, agkonsultakayo iti publikasion nga “Insight on the Scriptures,” nga impablaak ti Watchtower Bible and Tract Society of New York, Inc.)

1. Babaen ti espiritu ti Dios, ania ti naaramidan dagiti immuna-siglo a Kristiano nga agpadpada a nakatulong kadakuada a mangisuro ken agserbi kas pagilasinan kadagiti di manamati? (1 Corinto 12:30)

2. Nagsubli ti kalapati ken Noe a sinippitna ti bulong ti ania a kayo? (Genesis 8:11)

3. Ania a geograpiko a nagan a mangitakder iti banag a masarakan iti amianan a laud ti Sinai Peninsula ti namin-innem a nadakamat iti Biblia ken mabalin a mangirepresentar iti siudad, rehion, naintar a sarikedked, wenno kabambantayan? (Genesis 25:18)

4. Siasino ti inusar ni Joab a nagpakaasi ken Ari David iti biang ni Absalom kalpasan a nagtalaw ni Absalom iti tallo a tawen? (2 Samuel 14:4)

5. Ania a daga ti makindaya a pagbeddengan ti imperio ni Ari Asuero? (Ester 1:1)

6. Kadagiti padto maipapan iti pannakaisubli, ania a kaykayo ti naipadto nga agtubo iti saad “ti kalunay” ken “ti kasumba”? (Isaias 55:13)

7. Ania ti nangakusaran dagiti Judio ken Pablo iti saklang ni Galion, ti prokonsul ti Acaya, ket apay nga inabsuelto ni Galion ti kaso? (Aramid 18:12-17)

8. Kasano ti panangdeskribir ti Biblia iti kasasaad dagiti natay? (Aramid 7:60)

9. Siasino dagiti dua a panglakayen a saan a napan iti tolda ti gimong, nupay napilida kas paset ti 70 a tumulong ken Moises? (Numeros 11:14-17, 24-26)

10. Ania nga ili iti beddeng a nagbaetan ti Efraim ken Manases ti naited ken Efraim, bayat a naited ken Manases ti aglawlaw dayta nga ili? (Josue 16:8)

11. Ania ti umuna nga uppat a letra ti Griego nga alpabeto?

12. Sigun iti salaysay ti Biblia, ania ti naisakripisio iti “umuna nga aldaw dagiti di nalebaduraan a tinapay”? (Marcos 14:12)

13. Siasino kadagiti annak ni Josias ti introno ni Faraon Necao iti Juda ken pinanagananna iti Joacim? (2 Ar-ari 23:34)

14. Ania ti kaipapananna idi nangikabil ni Moises iti dara ti naidatag a kalakian a karnero iti makannawan a tangan ti saka ni Aaron ken iti tunggal annakna a lallaki? (Levitico 8:22-24)

15. Siasino ti ama ni Josue? (Nehemias 8:17)

16. Siasino ti ama ni Jezebel? (1 Ar-ari 16:31)

17. Ania a tribu ti nagsagaba iti ipapatay ti 42,000 a miembrona idi a dida naibalikas ti “Sibolet”? (Oc-ocom 12:1-6)

18. Siasino a nangato a padi ti nangbabalaw ken nalinteg nga Anna, a napagkamalianna a nabartek? (1 Samuel 1:12-15)

19. Iti Linteg ti Dios iti Israel, ania ti maidusa iti mannanakaw? (Exodo 22:1-4)

20. Ania a kayo ti kaaduan a nausar iti pannakaibangon ti templo? (1 Ar-ari 6:9-20)

21. Ania ti di maaramidan ti Dios? (Hebreo 6:18)

22. Siasino ti kangrunaan a Kabusor ti Dios? (Zacarias 3:1)

23. Ania ti nasirmata ni Amos nga ig-iggaman ni Jehova a mangipakita a saan a nakapasa ti Israel iti pannubok ti kinalinteg iti naespirituan a pamay-an? (Amos 7:7-9)

24. Iti ania ti nangyarigan ti libro ti Proverbio iti napintas a babai nga awanan kinaannad? (Proverbio 11:22)

25. Mano nga adalan ti imbaon ni Jesus a mangala iti urbon nga asna a pagsakayanna a mapan idiay Jerusalem? (Marcos 11:1)

Dagiti Sungbat ti Quiz

1. Agsao kadagiti pagsasao

2. Olibo

3. Shur

4. Masirib a babai a taga Tecua

5. India

6. Parwa ken arrayan

7. Iti panangiturongna kadagiti tattao “iti sabali a pakaguyugoyan iti panagdayaw iti Dios.” Agsipud ta awan ti nasalungasing a linteg ti Roma

8. Kas matmaturog

9. Da Eldad ken Medad

10. Tappua

11. Alpha, beta, gamma, delta

12. Ti naparti iti Paskua

13. Eliacim

14. Masapul nga ipamaysada ti annongenda ken ikagumaanda a dida sumiasi kadagiti rebbengenda a mangidaton kas papadi

15. Nun

16. Etnobaal

17. Efraim

18. Eli

19. Agbayad agingga iti maminlima

20. Ti sedro

21. Agulbod

22. Satanas

23. Maysa a tinnag

24. “Kas aritos a balitok iti subsob ti baboy”

25. Dua