Panangusar a Naimbag iti Epektibo Unay a Video

IDI 12 pay laeng ti tawen ni Tillie, ginundawayanna ti nangasaba idiay eskuelaan. Ad-adalen idi ti klaseda ti Gubat Sangalubongan II, ket rimsua ti tema maipapan iti Holocaust. Imbaga ni Tillie iti maestrana a saan laeng a dagiti Judio ti natutuok ken napapatay iti daytoy a nakaam-ames a panawen no di ket uray dagiti Saksi ni Jehova. Immanamong ti maestra nga itugot ni Tillie ti video a Purple Triangles iti klase. Sakbay a naipabuya ti video, kinuna ti maestra iti klase: “Gapu iti kaadu dagiti Judio a napapatay kabayatan ti Holocaust, adu pay kadagiti dadduma a naidadanes ti nabaybay-an. Karaman dagiti Saksi ni Jehova kadagita a grupo.”

Ti video ket nagustuan unay ti maestra isu nga impabulodna dayta iti maysa pay a maestra tapno ipabuyana iti klasena. Nalagip ni Tillie a ti manong ti maestrona idi isut’ grado kuatro ket pinatay dagiti Nazi kabayatan ti Holocaust. Impabulodna met ti video iti dayta a maestro, ket binuyana dayta iti daydi met la a rabii.

No dagupen, nasurok nga 60 a tattao ti nakabuya iti Purple Triangles, ket nagadu ti naginteres. Napasamak amin daytoy agsipud ta situtured ti maysa nga ubing a babai a nangirakurak maipapan iti relihionna.​—Salmo 8:2.