Introduksion

Madandanaganka kadi ta nguminnginan dagiti gagatangen ken dumakdakkel dagiti babayadam? Ad-adu kadin ti oras a panagtrabahom tapno adda umanay a pagbiagmo? Basbassit kadin ti tiempom para kadagiti ipatpategmo? No wen, makatulong kenka dagiti artikulo iti daytoy a ruar ti Agriingkayo! Maammuam dagiti praktikal a singasing tapno naragragsakka ken maksayan ti panagdandanagmo. Iti maudi nga artikulo, maammuam ti mapagtalkan a namnama nga adda nasaysayaat a masakbayan. Dayta a namnama ket makatulong kenka uray ita.