Kanta 2
Agtulnog iti Dios Imbes a Tattao
1. Dios isut’ ay-aywentayo;
Lubong bay-antayo.
No rabrabakendatayo,
Intay ida baybay-an.
Ket Dios isut’ pagtulnogan,
Saan ket a tattao.
Dios ti pangipamaysaan
Inaldaw a biagtayo.
2. Isublit’ kukua ni “Cesar”,
Rebbeng itdentayo.
Dios isut’ maidaydayaw
Pudnot’ maitandudo.
Ngem ditay kukuan biagtayo
Ta ginatangnatayo,
’Papusot’ bilin ti Apo
Dios la iti pagserbian.
3. No Dios ti intay idaydayaw
Agbiagtay natalna,
Liklikan ti kinakillo
Ken susik, guranggura.
Ipaay rebbeng Kangatuan,
Ken iti Teokrasiana,
Awan buteng intay saksian
Kinasoberanona.
4. Panagserbit’ yun-unatay.
Tuben ket paksiaten,
Saot’ Dios intay iburay;
Mawaw painumenyo.
No tattao ti manglapped,
Ammotay pagtakderan:
No agtulnog siiinget;
Ket dinatay baybay-an!