Kanta 13
Nakristianuan a Dedikasion
1. Ni Jehovat’ nagaramid
Ti sangaparsuaan,
Langit, daga ket kukuana,
’Sut makinggapuanan.
Anges ti biag impaayna
Ket inna imparang
Nga isut’ rumbeng a dayawen,
Isulat’ pagrukbaban.
2. Daydi nasion ti Israel,
Kunadat’ ’diay Sinai:
‘Ragsakenmi a tungpalen
Linteg a naipaay.’
’Sut’ nakinkuat’ ginatangna;
Manipud ’diay baybay.
’Sudat’ nasion a dedikado
Kasta koma a naynay.
3. Ni Jesus nagbautisar
Kas panagtungpalna,
Ket nagdatag nga agserbit’
Pagay’tan Amana.
Idi Jordan rimkuasanna
A kas napulotan,
Anak a natulnog, nasungdo
Isut’ nakonsagraduan.
4. Jehova umadanikam,
Ket agdayawkami.
Pusot’ sipapakumbaba,
Agdedikarkami.
Naited Anak a bugbugtong,
Nangina a gatad.
Sikan ti ipangpangrunami,
Mataykam wenno agbiag.