Kanta 49
Naindaklanka a Dios, Jehova!
1. Naindaklanka a Dios, Jehova,
Kantaenmit’ dayawmo,
Surotenmit’ dalanmo.
Sikat’ Amami, Ukom ken Ari.
Bayat panagbiagmi agdatagkamto.
O Dios, naimbagka; pudno, naimbag.
Serbisio komat’ maikanatad.
Agdayawkam, karnerom pakanenmi,
Ket pakasapulan, inkam agserbi.
Sikat’ Namarsua, Biag Mangigaga.
Imbag naggubuay kenka.
2. Dios a Mannakabalin, Nasantuan,
Pagraguanmit’ agserbi,
’Diay nakadutokanmi.
Sikat’ Salindeg, Gubuayan bileg.
’Taklinmi kenkat’ puso ken isipmi.
O Dios, napigsaka, wen, napigsaka.
Gaput’ imam dikam maiwawa.
Gandatmot’ sireregget ’paka’mmomi.
Ket siksika laeng ti pagserbianmi.
Sikat’ Salinong, ken Manangtulong.
Agtalekkami kenka.
3. Apo Jehova, Pastor, Maestro,
Dioska a maseknan ket
Biagmit’ pakaseknam met.
Manangispalka, ken Mannubbotka.
Siyayamankamto nga umasideg.
O Dios, gubuayan parabur ken asi.
Umaykam ket mabang-arankami.
Naganmot’ patgenmi ket din agbayag
Makitami, gandatmot’ maibanag.
Apo Jehova, Katan-okanka,
Awan sumandi kenka.