Kanta 50
Panangsubad iti Ayat ti Dios
1. O Dios, sikat’ kangatuan;
Ayatmit’ naimpusuan,
Maiparbengka a padayawan.
Naganmot’ itan-okmi,
Saom ti naadalmi,
Pagalagadam naammuanmi.
Kaasim ket nadungngo,
Nalinteg pangngeddengmo;
Pannakabalin imparangmo.
Isiertot’ Kasuratan,
No pusomit’ nasin-aw,
Itdem kadakam bendisionmo.
2. Manipud pay punganay;
Ayatmon ti nangtignay
Panagsubad inkam ipaay.
Ni Kristo ket immayen,
Naganmo ket dayawen;
Ket biag kadatay inna itden.
Awan napatpategen
Nga ebkas ti ayaten
Wen, ket biagna inna inteden.
Tapno dikam mapukaw,
Dalanmo ket idayaw
Pammagbagam isut’ rumingbaw.
3. Awantot’ mangisiasi
’Ti inkam panagserbi;
Kinapudno ket iwarnakmi.
Awan maidaddaduma
Ayatmit’ padapada
No sibubulos panagayat.
Ti panagayan-ayat,
Dagiti agkakabsat
Isu ti pakailasinan.
Inkam ngad ipangrunat’
Interes ti Pagarian;
Inggat’ anamong magun-odan.