Kanta 150
Tinapay Manipud Langit
1. Amami ng’addat’ langit,
Awan panagbalbaliwmo,
Ragsakmit’ mangidayaw
Ken mangalangon naganmo.
Indalan mo’idit’ ilim,
Siayat a kas Pastor,
Ken mannat’ impakanmo
Iti karkarnerom.
Wawda ti pinennekmot’
Danum a pimsuak kabatuan.
Impanmo’idat’ Canaan,
Naragsak unay nga arban.
2. Anakmot’ inladawan
Manna nga inkam impakan,
Dayagnat’ inidianna
Tapno taot’ maisalakan.
Lasagnat’ kas tinapay
Manipud ’diay ngato;
Tapno adut’ maispal,
’Sut’ naisakripisio.
Ma’ddaantay pammatit’
Tinapay a kukua ti Dios;
Kanentay nga inaldaw,
Ket agbiagtay a nadalus.
3. Tinapay nailangitan
Nabisinan, ipadamag,
Usarentay gundaway,
Karnerot’ mataraonan.
Mawaw ’ti kinalinteg
Tulongantay ida,
Ket maisalakanda ken
Mabendisionanda.
Ket inton no malpasen
Ti bakal ti Armagedon,
Dios t’intay idaydayaw,
Ragsaktaytot’ agnanayon.