Kanta 217
Pannakigayyem ken Jehova
1. Sino, O Jehova, kenkat’ makagayyem?
Sino ta toldam ti agnaed kas sangailim?
Daydiay sililinteg,
Wen, ken situtured,
Nasin-aw pusona ken napudnot’ awidna met.
Ti pakigayyemam, Jehova, asino?
Ket makipagtaeng ta nasantuan a bantaymo?
Daydiay a dilana, medmedanna, ka’rubat’ tulonganna.
(Koro)
2. Sino, O Jehova, ti makipagtaeng?
Sinot’ makikadua kenka, indaka gayyemen?
’Diay di agul-ulbod,
Nupay rumsuat’ rikut,
Magnat’ kinalinteg, kinapudno ’sut’ agikut.
Tarigagayanmit’ pannakigayyemmo.
Saom mangibatad no aniat’ kalikagummo.
Suktan ugalimi, di sumiasi, tapno gayyemnakami.
(Koro)
3. Sika, O Jehova, inkam pagtaengan.
Talnam daeganna amin a kapanunotan.
Gapu ken ni Kristo,
Naisubli ti pudno
A panagdayaw. Nagruknoy kenka ti immadu.
Ngarud, O Kangatuan, inkamto annadan
Pannakigayyem kenka, biagmit’ di mamulitan.
Agtutunoskam ket nga’gdatag met ta bantaymo nangayed.
(KORO)
Agnanayon koma A gayyemendaka.