Matmatam ti Gunggona!

1. Inton bulsek makakitan

Ken ti tuleng makangngegen,

’Ton agsabongen ti let-ang

Ken agubbog ti langalang,

’Ton kasla ugsan ti pilay

Ken dungdungnguen din pumusay,

Dagitanto ti makitam,

No gunggona ti matmatam.

2. Inton ti umel agkantan,

Lakay, baket umubingdan,

Inton ti apit naruayen,

Kinalinteg maipasdeken,

Inton ubbing naragsakdan

Ken natnatay agungardan,

Rag-o, talnat’ mapasaram,

No gunggona ti matmatam.

3. Agkakaduanton ti lobo,

Kordero, baka, ken oso,

Ubingto ti mangidalan,

Ket ayabnat’ ipangagdan.

Amin a lua mapunasen,

Buteng, rigat limmabasen,

Bendision ti Dios makitam,

No gunggona ti matmatam.