Kanta 33
Diyo Pagbutngan Ida!
1. Inkay iwarnak ti damag
Maipapan ’ti Pagarian.
Kabusor di pagbutngan.
Ti amin pakaammuan
A ti Ari a ni Kristo
Kabusor intappuaknan.
Ti Diablo ket maibaludton
Ken dinton mangyaw-awan.
(KORO)
Kabusor diyo pagbutngan,
Pangpangtaandakay man.
Ti matalek ket saluadak;
Biagnat’ napateg kaniak.
2. Adu man ti kabusoryo,
Uray mamutbutengda,
Uray mangum-umsida,
Ken mangal-allilawda.
Uray mangidadanesda,
Diyo pagbutngan ida.
Dumtengto ti tiempo
A pannakatalipuposda.
(KORO)
Kabusor diyo pagbutngan,
Pangpangtaandakay man.
Ti matalek ket saluadak;
Biagnat’ napateg kaniak.
3. Saankay a madanagan
Ta salaknibankayto.
No bilang mataykayo,
Isublikto ti biagyo.
Ni patay diyo pagbutngan,
Gapu ta pukawekto.
Agmatalekkay ket biag nga
agnanayon itdekto!
(KORO)
Kabusor diyo pagbutngan,
Pangpangtaandakay man.
Ti matalek ket saluadak;
Biagnat’ napateg kaniak.
(Kitaem met ti Deut. 32:10; Neh. 4:14; Sal. 59:1; 83:2, 3.)