Ti Ayat nga Inyulidan ti Dios

1. Ni Jehova a Dios inyulidanna

Kadatayo amin

Ti ayat nga intay amin tuladen,

Ket saantay nga aglabsing.

Surotentay ti dalan ni Jehova;

Nalinteg ken naimbag ti danana;

Itdennat’ talna ken mamagkaykaysa.

Wen, ti dalan ti Dios ket ayat.

2. Ti ayattay kadagiti kakabsat

Nasin-aw, napudno.

Masindadaantayo a tumulong

Iti amin a kanito.

Pagkapuyan ti kakabsat, palabsen.

Agpipinnategtay a naimpusuan.

Galad ni Jehova intay tuladen.

Kastat’ ayat ti agkakabsat.

3. Ayat iti Dios tignayennatay nga

Agserbi a naynay.

Ragsakentay ti agtulnog kenkuana,

Dayawnat’ intay ikanta.

Nagan ni Jehovat’ ipakaammo;

Iwaragawagtay ti kinapudno.

Agserbi kenkuana a sirarag-o.

Kastat’ ayat, pudno nga ayat.