Kanta 86
Matalek a Babbai
Nayimprenta nga Edision
1. Da Sara, Ester, Ruth, Maria, ken Ana—
Matalek ken natalugadinganda.
Pudno a nadiosan ti panagbiagda.
Adu pay dagiti kas kadakuada.
Kaay-ayo ida ni Jehova
Ta mapagwadanda gaput’ pammatida.
2. Nasungdo, naimbag, managayatda,
Naasi, natured, ken nasingpetda.
Agkakaimbag dagiti galadda.
Ken pudno a mapagulidananda.
Ti babbai a kas kadakuada
Maipatpategda ken nararagsakda.
3. Dagiti annak, kakabsat, ken inna,
Uray dagiti balo ken assawa,
Ket sirarag-o nga agbambannogda.
Napakumbabat’ panagpuspusoda.
Matalekda amin ken Jehova,
Ket ti bendisionna tagiragsakenda.
(Kitaem met ti Fil. 4:3; 1 Tim. 2:9, 10; 1 Ped. 3:4, 5.)