Kanta 80
Ti Galad a Kinaimbag
Nayimprenta nga Edision
1. Agyamantay ken Jehova
Gaput’ kinaimbagna.
Kas Ama a nailangitan,
Isut’ intay pagrag-oan.
Ti asi ken ti ayatna,
Saan a magatadan.
Agdayawtay ken Jehova,
Isu la ti pagserbian.
2. Tattao ket pinarsuana
A kaladladawanna,
Tapno amin a galadna
Ket iparangarangda.
Kinaimbag ni Jehova,
Tuladentayo koma.
Ti bungat’ espirituna
Dawatentay kenkuana.
3. Kinaimbag, ipakita
Iti amin a tao,
Ngem intay ipangpangruna
Ti kapammatiantayo.
Ditay met mangidumduma
No intay mangasaba.
Iti amin a gundaway,
Naimbagtayo koma.
(Kitaem met ti Sal. 103:10; Mar. 10:18; Gal. 5:22; Efe. 5:9.)