Introduksion iti Seksion 6

Idi nakadanonen dagiti Israelita iti Naikari a Daga, ti tabernakulo ti nagbalin a sentro ti pudno a panagdayaw. Dagiti padi ti nangisuro iti Linteg, ken dagiti ukom ti nangiwanwan iti nasion. Ipakita daytoy a seksion a mabalin a dakkel ti epektona iti sabsabali ti desision ken ar-aramiden ti maysa. Adda responsabilidad ti tunggal Israelita ken ni Jehova ken iti padana a tao. Iyunay-unaymo ti nasayaat nga ulidan nga impakita da Debora, Noemi, Josue, Hanna, ti balasang ni Jefte, ken ni Samuel kadagiti kailianda. Ipaganetgetmo nga uray dagiti saan nga Israelita, a kas kada Rahab, Ruth, Jael, ken dagiti Gibeonita, ket nakikadua kadagiti Israelita gapu ta ammoda a tultulongan ida ti Dios.