Introduksion iti Seksion 10

Ni Jehova ti Ari iti intero a daga. Kontroladona ti amin a bambanag. Kas pagarigan, insalakanna ni Jeremias iti abut a mabalin a pakatayanna. Insalakanna da Sidrak, Mesak, ken Abednego iti umap-apuy nga urno ken ni Daniel iti ngiwat dagiti leon. Prinotektaran ni Jehova ni Ester tapno maisalakanna dagiti kailianna. Dina ipalubos nga agtultuloy ti kinadakes iti agnanayon. Ti padto maipapan iti dakkel nga estatua ken iti dakkel a kayo ipasiguradona nga asidegen nga ikkaten ti Pagarian ni Jehova ti amin a kinadakes ken agturayto dayta iti daga.