Libro ti Dios—Maysa a Gameng

1. Adda libro a mangyeg iti talna,

Rag-o, ken namnamat’ sangatauan.

Adda nakaskasdaaw a bilegna;

Mangpaimbag, makaited iti biag.

Dayta a libro ket isu ti Biblia.

Pinili ti Dios ti nangisurat—

Lallaki a mangay-ayat kenkuana

Ken tinignay ti espirituna.

2. Insuratda ti panamarsua ti Dios,

Ti nagpaiduma a bilegna,

Ken ti tao perpekto idi damo

Ngem naparuar iti Paraiso.

Adda met anghel a kuna ti Biblia

Panagturay ti Dios kinaritna

Isu a tattaot’ agsagsagaba,

Ngem agballiginto ni Jehova.

3. Agrag-otay kadagitoy a tiempo

Ta agar-arin ni Jesu-Kristo.

Intay ngarud ikasabat’ Pagarian

Ken bendision nga ipaaynanto.

Nabiag a gameng ti Saon’ Jehova;

Arignat’ nagarbo a padaya.

Inaldaw nga agbasa iti Biblia

Tapno panunottay ket natalna.