‘Agtaengakto iti Tengnga Dagiti Umili’—Naisubli ti Nadalus a Panagdaydayaw ken Jehova

NAKAISENTRUANNA: Dagiti detalye ti sirmata maipapan iti templo ken dagiti isuroda kadatayo maipapan iti nadalus a panagdaydayaw

Impabuya ni Jehova kada propeta Ezekiel ken apostol Juan dagiti sirmata a nakadkadlaw dagiti pagpapadaanda. Dagiti detalye dagita a sirmata isuroda kadatayo dagiti napateg a leksion a makatulong tapno akseptaren ni Jehova ti panagdaydayawtayo ita ken matannawagantayo ti biag iti Paraiso nga iturayan ti Pagarian ti Dios.