IMPORMASION PARA KADAGITI UMATENDER

DAGITI ESPESIAL A MITING

PANAGSERBI ITI BETHEL Dagiti bautisado nga agibumbunannag nga agtawen iti 35 ken nababbaba, nga interesado nga agserbi iti Bethel ket maawis iti miting para kadagiti aplikante iti Bethel iti agsapa ti Biernes. Mayanunsio a nasaksakbay ti oras ken lokasion daytoy a miting.

SCHOOL FOR KINGDOM EVANGELIZERS Dagiti payunir nga agtawen iti 23 agingga iti 65 nga interesado a mangpalawa iti ministerioda ket maawis iti miting para kadagiti aplikante iti School for Kingdom Evangelizers iti agsapa ti Domingo. Mayanunsio a nasaksakbay ti oras ken lokasion daytoy a miting.

IMPORMASION PARA KADAGITI UMATENDER

ATTENDANT Adda dagiti attendant a nairanta a tumulong kadakayo. Pangngaasiyo ta makikooperarkayo a naimbag kadakuada babaen ti panangsurotyo iti ibagada maipapan iti pagparadaan, pagnaan, panagireserba iti pagtugawan, ken dadduma pay.

BAUTISMO Dagiti tugaw a sanguen ti entablado ti maireserba para kadagiti agpabautisar malaksid no adda sabali a nairanta a pagtugawanda. Masapul a nakatugawen dita dagiti agpabautisar sakbay ti diskurso ti bautismo iti agsapa ti Sabado. Mangitugotda iti tualia ken desente a pagbabasa, wenno pagsellep.

FIRST AID Laglagipenyo a para EMERHENSIA LAENG daytoy.

KONTRIBUSION Dakkel ti nagastos iti panangisagana iti umdas a pagtugawan, sound system, video equipment, ken dadduma pay tapno matagiragsaktayo ti kombension ket agbalintayo a nadekdekket ken Jehova a Dios. Makatulong dagiti boluntario a kontribusionyo tapno masupusopan dagiti naggastuan ken masuportaran met ti sangalubongan a trabaho. Iti intero a pasilidad, adda dagiti kahon a pagitinnagan iti kontribusion. Maapresiar unay ti amin a kontribusionyo. Agyamyaman ti Bagi a Manarawidwid iti naparabur a suportayo iti sangalubongan a trabaho para iti Pagarian.

LOST AND FOUND Maipan iti Lost and Found Department dagiti naiwagat a banag a saan nga ammo no sino ti makinkukua. No adda napukawyo, inkay kitaen iti daytoy a departamento. Ditoy ti pakaipanan dagiti mapukpukaw nga ubbing. Ngem saan a pagaw-awiran daytoy. Pangngaasiyo ta aywananyo dagiti annakyo, ken kanayon koma a kaduayo ida.

PAGTUGAWAN Nakonsiderarkayo koma. Laglagipenyo a ti laeng mabalinyo nga ireserbaan iti pagtugawan ket dagiti kapamiliayo, kaluganyo, kabbalayyo, wenno iyad-adalanyo iti Biblia. Dikay mangikabil iti aniaman a banag kadagiti tugaw a saanyo nga ireserba.

VOLUNTEER SERVICE No kayatyo ti tumulong kadagiti trabaho iti kombension, mabalinyo ti agreport iti Information ken Volunteer Service Department.