KAHON 16B
Panagsennaay ken Panagasug, Panangmarka, Panangburak—Kaano ken Kasano?
Adda kaitungpalanna iti agdama a tiempo ti sirmata iti Ezekiel kapitulo 9. Ti pannakaawattayo no kasano a matungpal dagiti pasamak ti makatulong kadatayo a mangsango a situtured iti panungpalan daytoy a sistema ti bambanag
“Panagsennaay ken panagasug”
KAANO: Bayat ti maudi nga al-aldaw, sakbay ti dakkel a rigat
KASANO: Ipakita dagiti nalinteg a tattao kadagiti sao ken aramidda a kagurada ti kinadakes daytoy a lubong. Awatenda ti maikaskasaba, itultuloyda a tuladen ti personalidad ni Kristo, agpabautisarda kas simbolo ti dedikasionda ken Jehova, ken simamatalek a suportaranda dagiti kakabsat ni Kristo
“Panangmarka”
KAANO: Bayat ti dakkel a rigat
KASANO: Ti lalaki nga addaan iti tintero ti sekretario irepresentarna ni Jesu-Kristo inton umay kas Ukom ti amin a nasion. Dagidiay karaman iti dakkel a bunggoy ket maukom, wenno mamarkaan, kas karnero a mangipakita a makalasatda inton Armagedon
“Panangburak”
KAANO: Inton Armagedon
KASANO: Ni Jesu-Kristo ken dagiti nailangitan nga armadana, a pakairamanan dagiti anghel ken ti 144,000 a kakaduana nga agturay, interamente a dadaelendanto daytoy dakes a lubong ken isalakanda dagiti mangipapaay iti nadalus a panagdaydayaw tapno agbiagda iti nalinteg a baro a lubong