Agusar Kadagiti Saludsod

Mateo 16:13-16

SUMARIO: Agusarka kadagiti nataktika a saludsod no makirinnasonka kadagiti agdengdengngeg, tapno maala ken matengngelmo ti interesda ken maipaganetgetmo dagiti importante a punto.

TI ARAMIDEM:

• Alaem ken tenglem ti interes. Agusar kadagiti mamagpanunot a saludsod (retorikal a saludsod) tapno tulongan dagiti agdengdengngeg nga agpanunot ken aginteres nga agsursuro.

• Agrasonka. Tulongam dagiti agdengdengngeg a mangsurot iti lohika ti ibagbagam babaen ti panagusarmo iti agsasaruno a saludsod a mangiturong iti lohikal a konklusion.

• Ipaganetgetmo dagiti importante a punto. Agusar iti makapainteres a saludsod a mangiruangan iti kangrunaan nga ideya. Usarem dagiti pangrepaso a saludsod kalpasan a mailawlawagmo ti importante a punto wenno no malpasen ti presentasionmo.