KANTA 161
Pagragsakak nga Aramiden Pagayatam
1. Timekmot‘ nangngeg ti Anakmo
Kalpasan a nagbautisar.
Magagaran a mangitungpal
Annongen nga intedmo.
Linabananna ti sulisog.
Pinaragsaknat’ pusom.
Indepensanat’ kinapudno,
Ket tuladek met dayta.
(KORO)
Pagragsakak, O Jehova,
Aramiden pagayatam.
Napnuan rag-o daytoy pusok,
Dalanmo ti pagnaak.
Pagragsakak ti agtulnog,
Naraniag ti masanguanak.
Kinadungngom marikriknak,
Inaldaw pagserbianka.
Pagragsakak!
2. Idi naam-ammoka, Ama,
Pudno a rag-ot’ nariknak.
Diak ilimed ti kinapudno,
Ragsakek nga iranud.
Kakabsat kaduak nga agserbi
Biag a kasayaatan.
Naganmo ket ’pagpannakkelko,
Itdek aminko kenka.
(KORO)
Pagragsakak, O Jehova,
Aramiden pagayatam.
Napnuan rag-o daytoy pusok,
Dalanmo ti pagnaak.
Pagragsakak ti agtulnog,
Naraniag ti masanguanak.
Kinadungngom marikriknak,
Inaldaw pagserbianka.
Agtulnogak,
Daytat’ pagragsakak!
(Kitaen met ti Sal. 40:3, 10.)