ABIDAN

[Nangukom ni Ama(k)].

Ti panguluen iti tribu ni Benjamin idi tiempo ti pannakasensus ti Israel idi maikadua a tawen kalpasan ti Ipapanaw iti Egipto. (Nu 1:11, 16) Isu ti pannakaulo iti 35,400 a lallaki ti Benjamin nga agedad iti 20 a tawen nga agpangato a nagpakarso iti makinlaud a sikigan ti tabernakulo.​—Nu 2:18, 22, 23.

Idi nairingpas ti tabernakulo ken nainaguraran dayta (1512 K.K.P.), bayat ti 12 nga aldaw, padapada ti tunggal panguluen a nangidiaya iti daton a pirak ken balitok a pinggan, a nagpateg iti agarup $1,720, mainayon kadagiti daton a bukbukel, lana, insienso, ken dinguen. Idi maikasiam nga aldaw ti panangaramid ni Abidan iti kasta. (Nu 7:10, 60-65) Natay bayat ti 40-tawen a panagdaliasat idiay let-ang.​—Nu 14:29, 30.