ABI-EZER

[Ti Ama(k) ket Katulongan].

1. Maysa kadagiti “annak ni Galaad” nga apoko ni Manases nga inauna ni Jose. Ipakita ti panamagdilig kadagiti salaysay iti Numeros 26:28-30 ken Josue 17:1, 2 nga isu naawagan met iti Yezer (Jeezer, KJ), a dayta ket napaababa a porma ti Abi-ezer, a naikkat ti “Ab” (ama) a pangrugian ti nagan.

Ni Abi-ezer ket ulo ti pamilia ken maysa nga inapo ni Ukom Gideon. (Uk 6:11, 24, 34; 8:2) Agparang a kalpasan ti pannakabingbingay ti daga kadagiti tribu ti Israel, mabalin a siguden nga agnanaed ti pamilia ni Abi-ezer iti lugar ti Ofra, idiay teritoria ti Manases iti laud ti Jordan, wenno nagnaedda laengen idi agangay.

Daytoy a nagan ket naaramat tapno ragup nga itakderanna ti balay ni Abi-ezer.​—Uk 8:2; kitaenyo ti ABI-EZERITA.

2. Anak ni Hammoleket, a babai a kabsat ni Galaad nga apoko ni Manases. (1Cr 7:18) Ibilang ti sumagmamano a komentarista a daytoy nga Abi-ezer ket isu met laeng ti Num. 1.

3. Benjamita manipud Anatot, maysa kadagiti 37 a kamamaingelan a mannakidangadang ni Ari David. (2Sm 23:27, 39) Isu ket maysa a pannakaulo ti balay ti amma ken panguluen ti maysa a benneg iti buyot a buklen ti 24,000 a lallaki, nga agserbida iti ari bayat ti maikasiam a bulan ti tunggal tawen. (1Cr 11:28; 27:1, 12) Tinungpalna ti padto iti Genesis 49:27 gapu iti kinamaingelna iti gubat, agraman dagiti dadduma pay a Benjamita. Adda ti ilina nga Anatot iti sumagmamano a milia iti amianan nga amianan-a-daya ti Jerusalem, iti uneg ti teritoria ti Benjamin.​—1Cr 6:60.