AHICAM

[Ti Kabsat(ko) Timmakder [kayatna a sawen, makibakal]].

Anak ni Safan a naarian a sekretario bayat ti panagturay ni Josias. Maysa ni Ahicam kadagiti lima nga imbaon ni Josias a mapan iti mammadto a babai a ni Hulda tapno agimtuodda maipapan iti nabasada iti libro ti Linteg a nabiit pay a natakuatan. (2Ar 22:12-14; 2Cr 34:20-22) Idi agangay sinalaknibanna ti biag ni Jeremias idi naipangta. (Jer 26:24) Ni Gedalias nga anak ni Ahicam ket gobernador ti Juda kalpasan ti pannakadadael ti Jerusalem idi 607 K.K.P.​—2Ar 25:22; Jer 40:5.