AMMA

[mabalin a, Kasiko].

Maysa a turod nga “adda iti sango ti Gia iti dalan nga agpalet-ang ti Gabaon.” Ditoy ti maudi a nakidangadangan ni Abner (ti sigud a panguluen ti buyot ni Saul ngem nakikappon iti puersa ni Is-boset ti anak ken agtawid ken Saul) maibusor kadagiti kumamkamat a puersa da Joab ken Abisai, kalpasan nga inabakda ni Abner iti bakal idiay Ban-aw ti Gabaon. Iti daytoy a turod a ni Abner ginuyugoyna ni Joab a sumardengen a mangkamat kenkuana, ket nagpatingga ti bakal. (2Sm 2:12-32) Nupay ti Amma nalabit adda iti daya ti Gabaon, saan a masinunuo no ania a turod iti daytoy a rehion ti naawagan iti Amma.