ARKANGHEL

Ti pangrugian a sao nga “ark,” a kaipapananna ti “panguluen” wenno “kangrunaan,” ipasimudaagna nga adda laeng maymaysa nga arkanghel, ti panguluen nga anghel; iti Kasuratan, saan a pulos masarakan ti “arkanghel” iti pangadu a porma. Ti 1 Tesalonica 4:16, iti panangdakamatna iti kinatan-ok ti arkanghel ken ti autoridad ti akemna, dakamatenna ti kasta mainaig iti napagungar a ni Apo Jesu-Kristo: “Ti Apo a mismo bumabanto manipud langit buyogen ti agbilbilin nga awag, buyogen ti timek ti maysa nga arkanghel ken buyogen ti trumpeta ti Dios, ket dagidiay natay a naikaykaysa ken Kristo bumangondanto nga umuna.” Adda kaipapananna, ngarud, a ti Miguel ti kakaisuna a nagan a direkta a nainaig iti sao nga “arkanghel.”​—Jud 9; kitaenyo ti MIGUEL Num. 1.