IKIT

Ti kabsat a babai ti ina wenno ama ti maysa a tao; ti asawa ti uliteg ti maysa a tao. Iti Hebreo a Kasuratan laeng ti nakadakamatan daytoy a panagkabagian. Sadiay, ti seksual a pannakidenna iti kasta nga asideg a kabagian kas ikit ket naibilang nga insesto ken siiinget a maiparit iti sidong ti Mosaiko a Linteg.​—Le 18:12-14; 20:19, 20.

Maipapan kadagiti nagannak ni Moises, mabasa iti Masoretiko a teksto: “Ita ni Amram innalana ni Jocabed a kabsat a babai ni amana kas asawana.” (Ex 6:20; Nu 26:59) Maipalubos ti kasta a panagasawa iti daydi a tiempo, ta napasamak dayta nasurok a 80 a tawen sakbay a naited ti Linteg.​—Kitaenyo ti JOCABED.