AVIT

Ti naarian a siudad wenno pagtaengan ni Hadad, ti maikapat nga ari dagiti Edomita, a nangparukma kadagiti Midianita iti gubat. (Ge 36:35; 1Cr 1:46) Ti naisingasing a disso nga ayanna ket Khirbet el-Jiththeh, a masarakan iti kadaanan a teritoria dagiti Edomita iti nagbaetan ti Maʽan ken Khirbet el-Bastah, agarup 100 km (62 mi) iti abagatan nga abagatan-a-daya ti Natay a Baybay. Adda sadiay ti maysa a bantay a kasta met laeng ti naganna (Jebel el-Jiththeh) ken 1,332 m (4,370 pie) ti kangatona.