BAAL-HASOR

[Makinkukua iti Paraangan (Purok)].

Maysa a lugar nga asideg iti “Efraim” (nalabit ti siudad ti Efrain[m] a nadakamat iti 2Cr 13:19; idiligyo ti Jn 11:54) a nangangayan ni Absalom iti piesta ti panagpukis iti karnero nga iti dayta immaniobrana ti pannakapapatay ni kabsatna nga Amnon. (2Sm 13:23, 28) Maikunkuna nga isu dayta ti bantay ti Jebel ʽAsur (Baʽal Hasor) a 1,032 m (3,386 pie) ti kangatona, agarup 8 km (5 mi) iti amianan a daya ti Bethel. Timmalaw ni Absalom manipud Baal-hasor ket nagkamang iti bassit a pagarian ti Gesur, iti daya ti Baybay ti Galilea.