PANANGIPARIT, PANNAKAIPARIT

Daytoy a sao ti inaramat ti sumagmamano a moderno a bersion (JB, NE, NW) kas patarus ti Hebreo a sao a cheʹrem. Iti Baro a Lubong a Patarus, daytoy a sao ket naipatarus met kas “banag a naikeddeng iti pannakadadael.” Ti Hebreo a sao ket tumukoy iti banag a naikeddeng nga agpaay iti Dios a saanen a mabawi ken masubbot ket ngarud nailasin a mausar laeng iti sagrado a panggep, ngem masansan unay a naaramat a tumukoy iti bambanag a nailasin tapno naan-anay a madadael. Mabalin nga agaplikar dayta iti maysa a tao. (Kastoy ti mabasa iti JB iti Ex 22:20: “Asinoman nga agisakripisio iti sabali a didios maikabil iti sidong ti pannakaiparit [“maipaay iti pannakadadael,” NW]”; Le 27:29) Wenno mabalin nga agaplikar dayta iti sanikuana (Esd 10:8); iti maysa nga animal, iti maysa a talon, wenno iti aniaman a banag a naikeddeng a mausar iti sagrado a panggep (Le 27:21, 28); wenno iti intero a siudad ken amin a bambanag nga adda iti dayta.​—De 13:15-17; Jos 6:17.

Adda dagiti sagrado a pannakaiparit a naitampok iti sumagmamano a padto. (Mik 4:13; Zac 14:11) Kitaenyo ti NAIKEDDENGEN (NAIPAAYEN) A BANAG maipaay iti naan-anay a pannakausig daytoy a suheto.