BETEN

[Bunga ti Pistasio].

Maysa a siudad nga iti laeng Josue 19:25 ti pagparangan ti naganna; maysa kadagiti beddeng nga ili ti Aser. Saan a masigurado ti ayanna, ta saan nga ammo no sadino ti ayan ti sumagmamano kadagiti dadduma pay nga il-ili a nadakamat iti listaan. Nupay kasta, kadawyan a maikunkuna nga isu dayta ti Khirbet Ibtin, agarup 17 km (11 mi) iti abagatan ti Acco ken 13 km (8 mi) iti abagatan a daya ti Haifa, iti makin-abagatan nga ungto ti Tanap ti Acco.