BET-DAGON

[Balay ni Dagon].

1. Maysa nga ili a naituding iti tribu ni Juda kas bingay a teritoria. (Jos 15:21, 41) Nupay nailista dayta a karaman iti dadduma pay nga il-ili iti Sefela wenno patad a rehion, ti naikuna nga ayanna ket iti Tantanap ti Filistia idiay Khirbet Dajun, adda laeng iti abagatan a laud ti agdama a Beit Dajan (Bet Dagan) ken agarup 10 km (6 mi) iti abagatan a daya ti Tel Aviv-Yafo. Mainaig itoy, paliiwen a nailista kadagiti simmaganad a bersikulo ti dadduma a siudad iti tanap ti Filistia. (Jos 15:45-47) Daytoy ti makagapu a maysa dayta a naipasngat a siudad iti uneg ti teritoria ti Dan, nalawag a kas met laeng iti kasasaad ti Gedera.​—Jos 15:36.

2. Maysa nga ili iti teritoria ti Aser, nabatad nga adda dayta iti makindaya a pasetna ken asideg iti beddeng ti Aser ken Zabulon. (Jos 19:24, 27) Saan itan a masigurado ti ayan dayta.