BET-GAMUL

[Balay Daydiay Napusot (wenno, Daydiay Umaw-awat iti Maiparbeng a Panangtrato)].

Siudad a nadakamat mainaig kadagiti pammakdaar ni Jehova maibusor iti Moab. Nailista dayta a kadua ti Dibon ken ti dadduma pay a siudad ti “daga ti nalantag a pagilian” ti Moab. (Jer 48:21, 23) Kadawyan a naikuna nga isu dayta ti Jumaiyil, iti tanap a rehion ti Moab nga agarup 13 km (8 mi) iti daya ti Dibon (Dhiban). Ipakita ti pammaneknek a daytoy a rehion nga adda a mismo iti amianan ti Arnon ket natalon kadagidi kadaanan a tiempo.